Nəsimi rayonunda rayonun Mülki müdafiə rəhbər heyətinin məşqi keçirilmişdir

31 may 2018 | 16:00

Nəsimi rayon İcra Hakimiyyəti Başçısı tərəfindən təsdiq edilmiş rayon İcra Hakimiyyətinin 2018-ci il üçün Mülki müdafiə üzrə tədbirlər planına əsasən 31 may 2018-ci il tarixdə rayonun mülki müdafiə rəhbər heyətinin məşqi keçirilmişdir.

Tədbirdə rayonun ayrı-ayrı idarələrinin və xidmət sahələrinin rəhbər heyəti, rayon Polis İdarəsinin, rabitə müəssisəsinin və digər aidiyyəti qurumların məsul şəxsləri iştirak etmişlər.

Tədbiri giriş sözü ilə açan rayon İcra Hakimiyyəti Başçısının müavini, rayon fövqəladə hallar komissiyasının sədri Qurban İsmayılov tədbirin keçirilməsinin məqsədi və əhəmiyyəti barədə məlumat verdi. Bildirdi ki, baş verə biləcək fövqəladə hadisələrin nəticələrinin aradan qaldırılması zamanı mülki müdafiə qüvvələrinin idarə olunması mühüm əhəmiyyət kəsb edir.

Sonra rayon Fövqəladə hallar və Mülki müdafiə şöbəsinin rəisi polkovnik-leytenant Qurban Mustafayev çıxış edərək məşq barədə ümumi məlumat verdi. Tədbirin sonunda rayonun mülki müdafiə rəhbər heyətinin üzvlərini marqlandıran suallar cavablandırıldı.

Keçidlər